Byggð - ERTU AÐ KAUPA

FORSÍÐA

SÖLUSKRÁ

LEIGUSKRÁ

FYRIRTÆKIÐ

ERTU AÐ SELJA

ERTU AÐ KAUPA

TENGLAR

HAFA SAMBAND

Greiðslumat

Fjármögnun

Minnispunktar við Kaup

Greiðslumat-Húsbréf

Ef fjármagna á kaup á fasteign með láni frá Íbúðalánasjóði, eða yfirtaka lán frá sjóðnum, þarf að liggja fyrir greiðslumat. Greiðslumat er unnið á heiasíðu sjóðsins ils.is og segir til um hámarksgreiðslugetu hans í fasteigna-kaupum. Ekki er hægt að kaupa fasteign fyrir hærri upphæð en greiðslumatið segir til um. Hámarks fjárhæð er 18 m.kr. en aldrei hærra en 80% af kaupverði.

Yfirtaka lána

Þegar kaupendur yfirtaka lán frá Íbúðalánasjóði þarf samþykki sjóðsins fyrir yfirtökunni á grundvelli greiðslumats. Staðfesting á yfirtöku þeirra lána liggur alltaf fyrir við undirritun kaupsamnings. Lífeyrissjóðir og aðrar lánastofnanir óska eftir því að gengið sé frá skuldaraskiptum skriflega, annaðhvort hjá fasteignasölunni eða viðkomandi lánveitanda.

Aflýsing lána

Kaupendur hafa þann rétt að halda eftir greiðslu ef seljandi hefur ekki aflýst áhvílandi lánum á umsömdum degi. Aðeins má halda eftir greiðslu sem nemur fjárhæð þess/þeirra láns/lána sem aflýsa á eða nota greiðsluna til þess að greiða lánið upp. Ráðlegast er að hafa samband við fasteignasöluna ef láni/lánum hefur ekki verið aflýst eins og samningur segir til um.

Kauptilboð - kaupsamningur

Þegar rétta fasteignin er fundin er lagt fram kauptilboð í eignina. Seljandi getur tekið því eða hafnað, eða gert gagntilboð. Þegar tilboði er tekið er í raun kominn á bindandi kaupsamningur, með fyrirvara um samþykki Íbúðalánasjóðs vegna lánveitinga eða lánayfirtöku. Þegar samþykki sjóðsins liggur fyrir er kaup-samningurinn útbúinn og undir-ritaður.

Kostnaður

Mikilvægt er að kaupandi geir sér grein fyrir þeim kostnaði sem fylgir kaupum.

1,5% þinglýsing og stimpilkostnaður af nýjum lánum.

1% lántökugjald af nýjum lánum.

Kostnaður við að þinglýsa kaupsamningi er 0,4% af fasteignamati viðkomandi eignar.

Kaupsamningsgreiðslur

Kaupandi þarf að gæta þess að greiða allar greiðslur á gjalddaga samkvæmt A-lið kaupsamnings. Seljanda er heimilt að reikna dráttarvexti strax frá gjalddaga, dragist greiðslur. Ef greiðsludráttur er fyrirsjáanlegur er nauðsynlegt að tilkynna seljanda slíkt strax. Hann treystir því að á gjalddaga komi greiðslur inn á þann bankareikning sem tilgreindur er í kaupsamningi. Ekki þarf að senda sérstaka tilkynningu þar um.

Þinglýsing kaupsamnings

Kaupendum er bent á að þinglýsa kaupsamingi strax hjá viðkomandi sýslumannsembætti til þess að tryggja rétt sinn. Fasteignasalan veitir kaupendum gjarnan þessa þjónustu.

Gallar

Ef gallar á eigninni koma í ljós eftir afhendingu ber kaupanda að tilkynna seljanda slíkt strax. Að öðrum kosti getur hann fyrirgert hugsanlegum bótarétti sakir tómlætis. Ekki skal láta gera við hinn meinta galla án samráðs við seljanda. Ekki má halda eftir hærri greiðslu en sem nemur þeirri fjárhæð sem ætla má að kosti að bæta úr hinum meinta galla. Heppilegast er að ráðfæra sig við fasteignasöluna áður en gripið er til þess úrræðis að halda eftir greiðslu vegna hugsanlegs galla á fasteign. Þá er mikilvægt að kynna sér vel yfirlýsingu húsfélags varðandi fyrirhugaðar framkvæmdir á vegum þess áður en gengið er frá kaupsamningi.

Geymið öll skjöl vegna fasteigna-kaupanna. Varðveita skal gaumgæfilega öll skjöl sem snerta fasteignaviðskiptin, s.s. kaupsamning, afsal, veðskuldabréf, kostnaðaruppgjör, allar kvittanir, afborganir af lánum, greiðslu fasteigna-gjalda, húsgjalda o.fl.

Eignaréttur/áritun

Kaupandi fasteignar verður ekki fullkomlega löglegur eigandi fyrr en hann hefur látið þinglýsa afsali. Fram að því er hún í sameign seljanda og kaupanda. Þess vegna er nauðsynlegt að þinglýsa afsali þó svo að kaupsamningi hafi verið þinglýst áður. Aðeins þinglýstur eigandi, afsalshafi, getur ráðstafað (selt eða veðsett) fasteign. Ef einhver hyggst selja eign sem hann á samkvæmt kaup-samningi, þ.e. afsal hefur ekki verið gefið út, verður fyrri eigandi að árita kaupsamninginn til þess að nýr kaupandi geti þinglýst sínum samningi.