Fasteignasalan Byggð 464-9955 - Einkasala

Húnabraut 8 - Blönduósi

Um er að ræða 6 herbergja einbýlishús með sambyggðum bílskúr en eignin er samtals 288,7 fm. á tveimur hæðum en þar af er bílskúr 63,3 fm. en ekki er innangengt milli hans og íbúðarhluta. Mjög rúmgott bílastæði með möl er fyrir framan húsið og bílskúr og þá er garður gróin en í órækt. Stór timburverönd er fyrir sunan húsið. 
Húsið er mjög skemmtilega staðsett, miðsvæðis á Blönduósi.

Komið er inn í anddyri á 1. hæð, þar er á vinstri hönd herbergi og snyrting innst á gangi. Af gangi er komið inn á hol þar sem er uppgengt um stiga á efri hæð en til hægri er svo annar gangur með þvottahúsi, geymslu, svefnherbergi og öðru rými sem áður var nýtt sem hárgreiðslustofa en getur í dag vel nýst sem stórt herbergi. 

Á efri hæð er komið upp á hol sem tengir öll rými hæðarinnar. Stofa er mjög rúmgóð með glugga til vesturs og þaðan er gengið út á svalir sem eru ónýtar og þarf að endurbyggja. Eldhús er rúmgott með litlu búri þar sem er lúga upp á loft. Í eldhúsi er eldri innrétting sem er líklega ónýt sökum rakaskemmda. Til austurs eru svo tvö svefnherbergi en úr öðru þeirra er útgengt út á suðursvalir sem eru eins og hinar ónýtar og þarf að endurbyggja. Þá er baðherbergi milli herbergjanna, þar er sturtuklefi, upphengt klósett og nýleg innrétting í kringum vask auk handklæðaofns. 

Bílskúr er mjög stór, með rafdrifinni innkeyrsluhurð og inngönguhurð við hlið hennar. Þak bílskúrs er ónýtt og þarf að skipta um það ásamt einangrun. Ekki er innangengt í íbúð en með nokkuð auðveldum hætti er hægt að opna milli hans og þvottahúss. Ef ekki á að opna á milli rýmanna þarf að loka gluggagati með viðeigandi brunavörnum sem er þar á milli.

Fasteignasalan leggur ríka áherslu á að áhugasamir gæti sérstakrar árvekni við skoðun og úttekt á eigninni og veitir seljandi/fasteignasali kaupanda allan nauðsynlegan aðgang til þess. Fyrirliggjandi er ástandskýrsla/matsgerð um húsið en fyrir utan skemmdir sem taldar eru upp hér að framan eru mikil rakaummerki í svo gott sem öllum rýmum sem liggja að útveggjum, eldhúsinnréttingu, hugsanlega gólfplötu og víðar. 
Þak var endurnýjað fyrir einhverjum árum um það bil 15, í umfjöllun um húsið er tekið fram að frágangur þess sé ekki fullnægjandi. 

Fyrir frekari upplýsingar hafið samband við fasteignasölu. 

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila.    (0.4% við fyrstu kaup einstaklinga m.v. að lágmarki 50% eignarhlut).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar -almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna).
4. Umsýsluþóknun til fasteignasölu, sbr.kauptilboð. 


Frekari upplýsingar:
[email protected]
[email protected]
[email protected]
[email protected]

Skipagötu 16 á 2. hæð.
S:464 9955